الرجاء قراءة الموضوع بهداوة و بدون خوف

هي قصة مستوحاة من الحقيقة صارت معي بأيام الجامعة :

بيوم من الايام كان عنا مذاكرة صعبة كتير اطريت اني روح لعند زميلي لنراجع المادة انا وياه .
كانو كتير يحكو اشاعات عن بيت زميلي انو مسكون(بالجن) بس انا ما عطيت للموضوع بال لاني ما كنت مصدق الشغلات هي .
هي ناحية و الناحية التانية كانت المادة غير مفهومة و كان هوة فهمانة منيح فتوكلت على الله
و رحت لعندو طبعا استقبلني و دخلني على غرفة الضيوف و بلشنا ندرس
ضلينا ندرس و ندرس حتى صارت الساعة 2 بالليل
اجاه تلفون من عمو كان جاي من الغربة قلو بدي شوفك قالو عندي زميلي عم ندرس انا وياه
قالو تعا بس سلم علي و ارجاع لصاحبك
قاستأذن مني صاحبي لمدة نص ساعة قلتلو روح الله معك انا قاعد عم ادرس طبعا قلي اعتبر البيت بيتك ما في حدا بالبيت
انا ما كذبت خبر اخدت راحتي و ارجعت على المادة و قعدت راجعا اطلعت على الساعة صارت اربعة
و لسا زميلي ما رجع انا ما عطيت للموضوع بال و ارجعت على الدراسة
بينما انا قاعد هيك سمعت صوت ما عطيت الموضوع بال و بعد شوي حسيت انو الصوت عم يقرب من الغرفة هون بلش قلبي يدق بسرعة شوي
حتى الصوت وصل و كانو عند باب الغرفة هون ما بكذب عليكم حالة الخوف وصلت عندي لحالة مو طبيعية
بعد شوي و لاما شفتلكم الا ختيارة عمرا تسعين سنة دخلت على الغرفة و قعدت مقابيلي و بلشت تسوي حركات غريبة انا هون وصل عندي الخوف لدرجة السكتة القلبية
انا قعدت شي ربع ساعة هيك بحالة سكون ما عم حرك شي من جسمي حتى اسمعت صوت الباب البراني هون راح جزء من الخوف و الا دخل زميلي على الغرفة قلي معلش اتاخرت عليك
و انا ما حكيت شي
اطلع علي و قلي شبك مرعوب قلتلو شايف اللي انا شايفو
قلي ليش شو شايف انت
قلتلو ليك هالختيارة اللي قاعدة معنا بالغرفة
هون هوة سكت و ابتسم شوي قلي يا زلمة لا تواخذني نسيت قلك انو ستي عايشة معنا بالبيت
هون انا بلشت ارمي كل شي بنرمى عليه قلي هدي قلتلو ستك هون و ما بتقلي قلي اسف بس بحب سوي المقلب هاد بكل واحد بجي لعندي
و سلامتكم