الصبايا منذ الصغر

[center][b]

أولاً : مرحلة الولادة :
البنت ببطن أمها بتساوي مشاكل وترفيس وتشويط وبتساوي حركات بهلوانية وبعدين بتولدها أمها وهي بتبكي وعلى فكرة صراخ البنت لما تنولد يا لطيف بيسمعوا اللي بآخر الدنيا هههههههههه بعكس الولد إذا طلع من بطن أموا بيطلع باحترام ولطافة ماشاء الله لا تطرقونا عين بنات أيوااااااااا ههههههههههه

ثانيا : مرحلة الحبو :
البنت إذا وصلت مرحلة الحبو لازم تحبسها أو تربط رجليها بسلاسل لأن البنت لما تحبوا حطت رجلها ويالا لنشوف دور وين ممكن تلاقيها يامدحرجة على الدرج أو غاطسة بالبانيو الله يكرمكم أو شيافتلها شي صرصور وقاعدة تزحف وراه بيطلع بالأخير الصرصور معفوس كيف ماحدا بيعرف ههههههههه

ثالثا : مرحلة المشي :
هي أخطر مرحلة بتوصلها البنت وبنصحكم ماتخلوها تندل على مكان البقالة أو محل الألعاب لأن من هالأشياء تبدأ البنت تحب الأسواق والله يعينك إذا ماسمعت نصيحتي ..
إنت جرب وخليها تروح معك البقالة مرة وشوف راح تساوي إلك اذا بدها تشتري شي أو لعبة وما رضيت توديها صدقني بتكرهك حياتكهههههههههههههه

رابعا : مرحلة دخول المدرسة :
المرحلة هاي خطيرة جداً صحيح البنت بتروح للمدرسة تتعلم القراية والكتابة بس فيه أشياء جانبية كمان بتتعلمها مع القراية والكتابة طبعا أنتوا راح تسألوني وشو هيي وكيف ..
رايح قلكم البنت بتروح للمدرسة ولازم إنها تختلط مع بنات متلها وبعدها بتجي البنت الثانية رابطة بكلة وردية لازم البنت تقلد متلها وبتزعجك لحتى تشتري إلها مثل رفيقتها بالمدرسة .. يعني من هاي المرحلة تبدأ بتقلد باقي البنــــات متلها

خامسا : مرحلة المراهقة :
وبهاي المرحلة بتبدأ البنت بتصدق كلشي مدري ليش أي بنت بتوصل لمرحلة المراهقة بتصير هيك ومخها بيصير ضعيف راح فهمكن كيف ...
البنت حساسة جدا في جسمها ومشاعرها .. يعني لو دفيت بنت ووقعت راح تتكسر وتصير نتاتيف وكمان لو قلتلها كلمة إهانة ولو بسيطة أو حتى موقصدك تجرحها يعني إنت بتمزح البنت ماعندها تفاهم على طول بتزعل...حتى لو عما تمزح معاها على المسنجر وبتضحك على طول بدون سبب بس هي بتصدق اللي بيمدحها ويتغزل فيها البنت بتصدق علىطول

سادسا : مرحلة العشرينات الشباب :
المرحلة هاي مرحلة حلوة كتير للبنت لأنها بالمرحلة هاي تبدأ تعدل من أوضاعها وتصير راكزة وتبدأ تعقل شوي شوي .... بس المشكلة شو ؟؟؟يعني بتعرفوا أنوا البنت بهايالمرحلة بيكتروا خطابها يعني مضطرة إنها تتجمل وتتزوق بكل عزومة أو مناسبة والأم بتوديها معها لأي مكان بتروح علشان تقول عندي بنت واللي بدوا يخطب للولد ترى هاي بنتي
LOoOoOoOoOoOoOoOoOoL
وبهاي المرحلة بتطلع مواهب للبنت اللي بتخيط واللي فنانة في تفريك الصحون واللي محترفة في كنس البيت واللي اختصاصها غسيل وكوي يعني مواهب حلوووووة

سابعا : مرحلة الزواج :
وهاي المرحلة هي بداية تعاسة الرجل مابتجي المصايب للرجال إلا بهي المرحلة .. يدخل الرجّال البيت وتستقبلوا مرتوا بريحة بصل أو ثوم وإيديها فيها صابون كأنها هلق طالعة منالمطبخ أو تستقبلوا وهي عما تصرخ عليه بوشوا بهديك الورقة ما عرفتوها اللي مكتوب فيها بصل وخيار وثوم وكوسا وبيتنجان على فكرة هادا كلوا ترا تمهيد وبعدها بتكتب .. مجلة سيدتي .. خاتم ذهب .. شنطة جلد .. فستان...إلخ من اللائحة تبعهن...هههههههههه أغلى شيء وتغيير أثاث الغرفة .. وأثاث جديد للصالة .. ولاتنسى تمرلي على الصراف وتجيبلي 5000 بدي روح علىالسوق بعد كل هالطلبات وبدها تروح على السوق إيه روحة بلا رجعة هههههههههه .

ثامنا : مرحلة الأمومة :
بهاي المرحلة بتبدأ المشاكل الكبيرة بين الزوجة وزوجها .. يعني الرجّال اللي عندوا ولاد كثير أقف له وقفة احترام لأنوا صابر على زوجتوا وبتلاقي الرجّال بهاي المرحلة بيحاول أنوا يهرب من البيت كثير لكن وين بدوا يهرب من مرتوا وراه وراه والله إنها بطالعوا من تحت طقاطيق الأرض وين مابيروح بتلاقيه ..إذا قعد الأب بالبيت بتلاقي وجهوا أحمر من اللعي على الولاد وإذا طلع من البيت بينشرح صدروا وبيرتاح .. مثلاً الأب بيقعد مع مرتوا وبيجيك ابنوا الصغير وبيلعب بالكرة عندوا وبتجي على جبينوا الكرة وبينكب عليه الشاي والأب بيعصب والأم بتقلوا معليش لسا صغير تركوا...واذا كان بدوا يحكي معاها بيلاقيها متعلقة بسماعةالتليفون ومعاها كيس بزر وعما تقزقز فيه وبتملي الصالون قشر وإذا خلصت الرجّال بدوا يحكيها بتقلوا بدي كنس الصالونيعني صحيح أنا أخدت من وقتكن تقرأوا موضوعي بس لا تنسوا كمان اختصرت كتير بمراحل النمو كتر خيري يعني ههههههههههه...

[/b][/center]

على فكره مضبوط الي كاتبه المكوضوع بنت بس هاذ راي شب
ودايما الشباب بياخدو فكره غلط عن الصبايا وهم ما بيفهمو بس برضضو شي حلو وبيضحك بس مو كتير Smile